Ermənistan XİN rusiyalı jurnalist İlya Azarın akkreditasiyasını ləğv edib.
APA-nın xəbərinə görə, bu barədə İlya Azar özünün “Facebook” səhifəsində məlumat verib.
Onun sözlərinə görə, buna Şuşa və Laçından hazırladığı və “Novaya qazeta”da yayımlanan “Cənub qapısında müharibə” adlı reportajı səbəb olub.
İ. Azar qeyd edib ki, reportaj “ermənilərin vətənpərvərlik hisslərinə toxunub və azərbaycanlıların xoşuna gəlib”.
2011-ci ildən Azərbaycanda “arzuolunmaz şəxs” elan olunduğunu xatırladan jurnalist Ermənistanda akkreditasiyasının ləğvini söz azadlığına maneə kimi qiymətləndirib.
Reportajla aşağıdakı linkdən tanış olmaq olar:
https://novayagazeta.ru/articles/2020/10/07/87416-voyna-u-yuzhnyh-vorot
Şərhlər
Azarın yazısını oxuduq rus dilində, yazı heç də obyektiv yazı deyil. Gör indi bunların erməni deyən obyektiv yazısı necə ola bilər, ermənilər doğrudan da nə baş verdiyini anlamırlar, Qarabağın onlara məxsusluğu barədə boş-boş danışırlar gedib əşyalarını yiğmaq əvəzinə.