İran tərəfinin təşəbbüsü ilə Prezident Həsən Ruhani ilə Rusiya Prezidenti Vladimir Putin arasında telefon danışığı olub.
AZƏRTAC İran prezidentinin rəsmi saytına istinadla xəbər verir ki, telefon söhbəti zamanı Ermənistan-Azərbaycan Dağlıq Qarabağ münaqişəsi müzakirə edilib.
Prezident Həsən Ruhani Azərbaycan və Ermənistanın Xarici İşlər nazirlərinin Moskvada keçirdikləri görüş zamanı atəşkəs rejiminin təmin olunmasının müzakirəsini dəstəklədiyini bildirib. İran Prezidenti problemin sülh danışıqları yolu ilə və dövlətlərin ərazi bütövlüyü çərçivəsində həllinə tərəfdar olduğunu vurğulayıb.
Telefon söhbəti zamanı dövlətlərin COVID-19 pandemiyasına qarşı mübarizə tədbirləri və qarşılıqlı yardım məsələləri də müzakirə mövzusu olub.
Şərhlər
Bunlar sadece Azerbaycana yeni tele qururlar basqa hecne ....Qarabagi 30 ildir alir bunlar guyaki ...Qarabag bizimdir
makaron hardadır?Onu da çağırın züy tutsun sizə!
Rusiya da, İran da Azərbaycanın Qarabağı işğaldan azad etməsinin tərəfdarı deyil. Bu dövlətlərin heç biri bizim inkişafımızı istəmir. Silahlı Qüvvələrimiz dayanmamalıdır. Qarabağı azad etmək lazımdır.