Gürcüstanda daha 3 759 nəfərdə koronavirus aşkarlanıb

Gürcüstanda ötən sutkada koronavirusa 3 759 yeni yoluxma faktı qeydə alınıb, 3 574 nəfər sağalıb, 36 pasiyent isə vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək təsdiqlənən COVID-19-a yoluxma hallarının sayı 139 343-ə çatıb. Yoluxan şəxslərin 117 560-ı sağalıb, 1 303-ü isə dünyasını dəyişib.

Hazırda karantində 1 978, stasionar nəzarətdə 6 366 nəfər saxlanılır. 3 708 nəfər isə xüsusi otellərdə müalicə ilə təmin olunur.