“NATO-ya məxsus aviasiya və dəniz qüvvələrinin aktivliyinin artması ciddi insidentlərə səbəb ola bilər”. “Report” “TASS”a istinadən xəbər verir ki, bunu Rusiya müdafiə nazirinin müavini Aleksandr Fomin bildirib.
Onun sözlərinə görə, cari ilin avqust və sentyabr aylarında Rusiya sərhədləri yaxınlığında Amerikaya məxsus strateji bombardmançı B-52H və B-1B-nin 15-dən çox uçuşu qeydə alınıb, 13 oktyabrda Böyük Britaniyanın Hərbi Dəniz Qüvvələrinin “Dragon” esminesi Xersones burnu istiqamətində Rusiya sularına daxil olaraq keçid edib, 24 noyabrda isə ABŞ-ın “Con Makkeyn” esminesi Böyük Pyotr körfəzinə daxil olub.
“Bu hərəkətlər açıq şəkildə təxribat xarakteri daşıyırdı. Hadisələrin qarşısı yalnız rus pilotlarının və dənizçilərinin yüksək səviyyədə hazırlığı sayəsində alındı. Almaniyanın müdafiə naziri Anneqret Kramp-Karrenbauerin Bundestaqda "Rusiya ilə güc dili ilə danışmaq lazımdır" ifadəsini düşünməməyi tövsiyə edirik
Güc təhdidi birbaşa BMT Nizamnaməsinin pozulmasıdır, bu cür hərəkətlər tərəfimizdən lazımi qaydada cavablandırılacaq. Lakin, biz hər zaman ən çətin problemlərin danışıqlar masasında həll edilməli olduğunu düşünürük”- deyə Aleksandr Fomin bildirib.
Şərhlər
Rusiya müd. nazirliyinin NATO-ya xəbərdarlığı oxlu kirpinin özünü savınmaq üçün tikanlarını qabartmasına bənzəyir.Tikanlarını qabartmaq isə kirpinin gücünə dəlalət etmir.Böyük yırtıcılar,sadəcə,ağızları cızılmasın deyə pəncələri ilə onu kənara dığırladıb gedirlər.
Александр Фомин, в России НЕ ДЕЙСТВУЕТ МЕЖДУНАРОДНОЕ ПРАВО и ты знаешь об этом, продолжай свое пугающее предупреждении в сторону NATO, но НЕ ЗАБЫВАЙ, NATO , не пешка.