PUTİN ƏRDOĞANA MOSKVA GÖRÜŞÜ BARƏDƏ MƏLUMAT VERİB - Monitorinq Mərkəzi də müzakirə edilib (Yenilənib)
Rusiya prezidenti Vladimir Putin Türkiyə prezidenti Rəcəb Tayyib Ərdoğana telefonda Azərbaycan prezidenti İlham Əliyev və Ermənistan baş naziri Nikol Paşinyanla Moskvada keçirdiyi görüşün əsas nəticələri barədə danışıb. Bu barədə Kremlin saytı məlumat yayıb.
"Rusiya Federasiyasının Prezidenti Vladimir Putin Türkiyə Respublikasının Prezidenti Rəcəb Tayyib Ərdoğanla telefon danışığı aparıb. Vladimir Putin 9 yanvar 2020-ci il tarixli Dağlıq Qarabağ Bəyannaməsinin icrasına baxıldığı Rusiya, Azərbaycan və Ermənistan liderlərinin 11 yanvar Moskvada keçirdiyi üçtərəfli görüşün əsas nəticələri barədə məlumat verib", - məlumatda deyilir.
"Rəcəb Tayyib Ərdoğan Dağlıq Qarabağ nizamlanmasında Rusiyanın səylərini dəstəklədiyini bildirib, bölgənin iqtisadi inkişafı və qarşılıqlı faydalı layihələrin təşviqi maraqları daxil olmaqla, Rusiya ilə Türkiyə arasında fəaliyyət koordinasiyasını davam etdirməyin lehinə danışıb", - məlumatda vurğulanıb.
"Ayrı-ayrılıqda, Rusiya-Türkiyə Atəşkəs Nəzarət Mərkəzinin və münaqişə bölgəsindəki bütün hərbi əməliyyatların formalaşmasının bəzi aspektlərinə toxunulub", - deyə qeyd olub.
Bundan əlavə, liderlər iki ölkə arasında peyvəndlərin birgə istehsalı və istifadəsi üzrə əməkdaşlıq planlarının icrası da daxil olmaqla, pandemiya ilə mübarizə problemlərinin həlli istiqamətində fikir mübadiləsi aparılıb.
Türkiyə və Rusiyanın birgə koordinasiyasının tərəfdarı olduğunu vurğulayıb.
Qeyd edək ki, Rusiya-Türkiyə birgə Monitorinq Mərkəzi Ağdamda yerləşəcək.
Şərhlər
məncə Türkiyə Rusiyaya deməlidir ki, Qarabağdan çıxmasan sənin Avropaya gedən qaz kəmərin işləməyəcək!