NƏCMƏDDİN SADIKOVLA BAĞLI RƏSMİ AÇIQLAMA - "Ehtiyata buraxılıb..." (Yenilənib)
Azərbaycan Müdafiə Nazirliyi müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Sadıkovun səhhətində problemlər yaranması və müalicə üçün Rusiyanın paytaxtı Moskvaya aparılması ilə bağlı yayılan məlumatlara münasibət bildirib.
Müdafiə Nazirliyinin Mətbuat xidmətindən “Report”a bildirilib ki, N.Sadıkov hazırda Azərbaycan Ordusunda xidmətdə deyil.
Bildirilib ki, o, ordu sıralarından ehtiyata buraxılıb.
Müdafiə nazirinin birinci müavini - Silahlı Qüvvələrin Baş Qərargah rəisi vəzifəsinə təyinat olub-olmamasına gəlincə, nazirlik bu məsələyə aydınlıq gətirməyib.
Xatırladaq ki, N.Sadıkov 1956-cı ildə anadan olub. O, 2 noyabr 1993-cü ildə Azərbaycan müdafiə nazirinin birinci müavini - Azərbaycan Respublikası Silahlı Qüvvələrinin Baş Qərargahının rəisi vəzifəsinə təyin edilib. 2020-ci ilin oktyabr ayından isə N.Sadıkovun adı Müdafiə Nazirliyinin rəsmi saytının rəhbər şəxslər bölməsindən çıxarılıb.
***
Nəcməddin Sadıqovun səhhətində ciddi problem yaranması, Moskvada açıq ürək əməliyyatı keçirməsi barədə məlumat yayılıb.
Müdafiə Nazirliyindən bununla bağlı APA-nın sorğusuna cavab olaraq bildirilib ki, Nəcməddin Sadıqov hazırda hərbi xidmətdə deyil.
Qeyd edək ki, general-polkovnik N. Sadıqov Müdafiə Nazirliyinin Baş Qərargah rəisi vəzifəsində çalışıb.
Onun adı nazirliyin rəsmi saytının struktur bölməsindən də çıxarılıb.
Şərhlər
Nəcməddinin Müdafiə azirliyinə gtirilməsi,təyinatları ən böyük yanlışlıq idi.
Suyun ,yanacağin qiymətini artırmaq əvəzinə talancılardan mal və mülklərinin alınaraq büdcəni doldurmaq daha yaxşi olmazdımı.Aşkar etsinlər kimdən hansı qara qəpiyi alıb dövlətin büdcəsinə ödəyiblər. Bunlar belə hesab edirlər ki Xalq bunlardan hesab soruşmayacaq.Yanılırlar, su artıq boğaza yığılır.
Onu cinayət məsuliyyətinə cəlb etmək lazım idi,burxmaq yox.
Onun və Səfər Əbiyevin Statistika Komitəsinin arxasında tikdirdikləri qəsrlər əllərindən alınmalı, müsadirə edilməlidir. O binaların hər birinə bir neçə milyon xərclənib ki, bu da ordunun hesabından olub...
Kurekeni ile yigdiglarini Moskvada hezmi rabiteden kecirer. Allah gostermesin bizim ne qeder talanci nazir ve choxlu ranqli akulalar ve cavavarlar qalib. Onlarin getmesine hele cox aylar lazim olacaq. Bu muharibede abi havani deyishe bilmedi, eksine yenede YAP-in ruporlari bizi kecmishde saxlamaqdadir.
Bu qədər böyük cinayətlərdən sonra ehtiyata buraxmaq Azərbaycan xalqı üçün həqarətdir.
eldar mahmudov kimi bu da 2-3 milyard taladı və sakitcə getdi pullarını xərcləməyə. Məktəb müəllimi və ya JEK işçisi 50 manatlıq nəsə etsəydilər 7-8 il “basacaqdılar içəri”.