“Əfv Komissiyasına mindən çox müraciət daxil olub” – Martda əfv sərəncamı imzalana bilər

Son günlərdə Prezident yanında Əfv Komissiyasının bir neçə iclası keçirilib. Bu da mart ayında əfv sərəncamının imzalanacağı barədə ehtimalları artırıb. Komissiya üzvləri istisna etmirlər ki, Novruz Bayramı ərəfəsində sərəncam imzalana bilər.

Əfv Komissiyasının üzvü, “Konstitusiya” Araşdırmalar Fondunun prezidenti Əliməmməd Nuriyev “AzPolitika.info”-ya bildirib ki, bütün müraciətlərə hərtəfəli baxılır.

Onun sözlərinə görə də, komissiyanın iclaslarının başlanması növbəti əfv sərəncamının imzalanmasına gətirib çıxara bilər: “Ancaq sərəncamın imzalanması vaxtı cənab Prezident tərəfindən müəyyənləşdirilir. Çünki bu məsələ dövlət başçısının müstəsna konstitusion səlahiyyətidir”.

Əliməmməd Nuriyev müxtəlif tipli məhkumlar tərəfindən müraciətlərin təqdim olunduğunu söyləyib: “Mindən çox müraciət daxil olub, müxtəlif kateqoriyalı məhkumlar müraciət edib”.

Onun sözlərinə görə, müraciət edənləri qadınlar, kişilər, hərbçilər, mülki şəxslər, yaşlılar və cavanlar kimi təsnifatlaşdırmaq olar: “Bu məsələdə fərq qoyulmur, çünki hər kəs əfv üçün müraciət edə bilər. Böyük ictimai təhlükəli sayılmayan cinayət etmiş şəxslər məhkəmənin hökmü qüvvəyə minəndən, az ağır cinayət edənlər cəzanın üçdə birini çəkəndən, ağır, xüsusilə ağır cinayət edənlər cəzasının yarısını çəkəndən, ömürlük azadlıqdan məhrum olunmuşlar isə cəzasının 10 ilini çəkəndən sonra müraciət edə bilər”

Komissiya üzvünün vurğulamasına görə, məhkumların özləri, vəkilləri, hüquq müdafiəçiləri, cəzaçəkmə müəssisəsinin rəsmiləri və yaxınları müraciət etmək hüququna malikdirlər.

İmzalanacaq sərəncamda kimlərin olmasına gəlincə, Əliməmməd Nuriyev bildirib ki, bu barədə qəti qərarı cənab Prezident veriləcəyindən hər hansı məlumat söyləyə bilməz: “Məhz hər hansı şəxs barədə məlumatın verilməsi yolverilməzdir və nə etik qaydalara uyğundur, nə də konfidensiallığa”.
O, əqidəsindən, düşüncəsindən asılı olmayaraq bütün müraciətlərə baxıldığını deyir: “Müraciətlər hərtərəfli araşdırılır və müvafiq tövsiyyə xarakterli qərarlar qəbul edilib cənab Prezidentə təqdim olunacaq”.

“AzPoltika.info”

635x100

Şərhlər

Veteran 2021-02-22 14:48:15

Qızıl aministiya elan edib,tıcili türmələrı boşaldıb Yirtıcı məmurları,onların harınlamış ailə üzvülərini,yaxın qohumlarınıvə qudalarını oraya doldurub, çürütmək lazımdır.

Son yazılar