“TƏHQİREDİCİ YAYIMLARI ONLAR MALİYYƏLƏŞDİRİRDİ...” – "Öz təşəbbüsləridir, yoxsa Rusiya xüsusi xidmət orqanları ilə əlaqələndirilmiş işdir?"
“Digər ölkələrdə olduğu kimi, Azərbaycanda da hakim elitanın bir hissəsi mühafizəkar, bir hissəsi islahat yönümlü idi. Bu komponentlərin düzgün nisbəti idarəetmənin effektivliyini müəyyənləşdirirdi. Bir qayda olaraq, "qərb yönümlülər" islahatçılar, "rusiyapərəstlər" mühafizəkarlar idi. Mühafizəkarlar mövqelərini möhkəmləndirmək üçün Qərblə münasibətlərdə insan hüquqları, seçki və bu kimi sahələrdə problemlər yaratma taktikasından istifadə edirdilər. Tez-tez siyasi “qapazaltılar” seçilir, tamamilə əsassız və nümayişkaranə şəkildə “əzilirdilər””.
“AzPoltika.info” xəbər verir ki, bunları keçmiş Xarici İşlər naziri Tofiq Zülfüqarov sosial şəbəkədəki hesabında yazıb.
O, qeyd edib ki, bütün bunlar Qərbin insan haqları təşkilatlarının etiraz dalğasına səbəb oldu və nəticədə rusiyapərəst "mühafizəkarlar"ın daxili siyasi mövqelərini gücləndirdi. “Vəziyyətin dəyişməz qalmasını təmin etmək üçün mexanizm belə işləyirdi. Bu səbəbdən təhqiredici YouTube kanallarını yayımlayanların çoxunun rusiyapərəst mühafizəkarlar tərəfindən maliyyələşdirildiyi birdən-birə aydın oldu. Əlbəttə, sual yaranır ki, bu praktika onların öz təşəbbüsləridir, yoxsa Rusiya xüsusi xidmət orqanları ilə əlaqələndirilmiş işdir? Bu suala cavabı həmişə bilmişəm. Bəs siz?” - deyə, keçmiş nazir işləyicilərinə sual edib.
“AzPolitika.info”
Şərhlər
"Azərbaycan xalq tapmacaları". Göydən üç alma düşdü: biri kimindir, hətta ikincisi də - hamı bilir. Əsas üçüncüsüdür: görəsən, kim yeyir onu? Çox “bilirəm”, “vaxtı gələndə deyəcəm” danışanlar köçdü gedər-gəlməzə, bütün “sirrli olaylar” qaldı imam Mehdinin gəlişinə. Deyilmədi, süzülmədi, xalq qaldı palçıq içində çabalamaqda, nə bilim, ilahi əli axtarmaqda, halbuki əslində bunlar adi və çox vaxt olduqca zəif məxluqların-“insansanların” iyrənc pul-hakimiyyət ehtiraslarının “oyunlarından” başqa bir şey deyildi. Sadəcə, onlar bu “bilikləri-bildiklərini” fayda-gəlir gətirə biləcək “sakral-müqəddəs” nemət kimi qoruyaraq, biznes-siyasət maraqlarının “kozırı” kimi üstünlüklər gətirəcək məqamı gözləyirlər. Həqiqətənmi, siyasət çirkabdır? 100% - yox. Siyasət sadəcə mövcud “siyasi” münasibətlərin abstrakt, mücərrəd ifadəsidir və məfhum kimi özü-özlüyündə əxlaqi-“neytraldı”. Deməli, çirkab “siyasılərdi”. Düzdür, məsələ bu konstatasiya ilə bitmir. Cəmiyyət varkən, siyasət də var olacaq. Ancaq bir sual həmişə duracaq – nəsən sən siyasətçi, bu meydana səni atan meyar nədir? Haqq-ədalət, əxlaq, xalq, yaxud haqq mənəm, əxlaq – mən deyən, xalq?... məni güldürməyin! Bəlkə, deyəsiniz bildiyinizi, sabiq XİN başçısı (“Niyə öldün sən, ay Lenin”)? Bəlkə, «ezoterikanı” “ekzoterika” ilə əvəzləyəsiniz? Bəlkə biz rəiyyət də onda bilərik “sükanı necə tutaq”? Ritorikdi yoxsa? Mövqenizi özünüz seçirsiniz. Elə yerinizi də! Siyasət adamısız, yoxsa para-siyasi (siyasət ətrafında olanlar)? İkincilər qıl kimidir, birincilər – incilər.
Azərbaycan iqtidarının hamısı yüzdə-yüz Rusiya yönümlüdür.Bu komanda da Qərbpərəstlərə yer yoxdur. a