Rusiya Federasiyasının Müdafiə Nazirliyi Ermənistanın Baş naziri Nikol Paşinyanın "İskəndər" raketlərinin effektivsizliyi barədə açıqlamasına rəsmi münasibət bildirib.
"AzPolitika.info" Rusiya KİV-lərinə istinadla xəbər verir ki, Rusiya MN Qarabağ müharibəsində ümumiyyətlə "İskəndər" raketlərindən istifadəni təkzib edib.
"Bizdə olan obyektiv məlumata görə, Qarabağ müharibəsində ümumiyyətlə "İskəndər M" raketindən istifadə olunmayıb. Bütün döyüş sursatları hazırda Ermənistanın silah anbarlarındadır. Görünür, cənab Paşinyana əsassız məlumatlar verilib", - MN rəsmisi İqor Konaşenkov bildirib.
Bəyanatda həmçinin əlavə olunur ki, "İskəndər" raketindən Suriyada real döyüş şəraitində dəfələrlə istifadə olunub və bu raketin analoqları arasında ən yaxşı olduğu etiraf olunur.
Rusiya MN-in bu açıqlaması təəccüb doğurur. Belə ki, Qarabağ müharibəsində "İskəndər" raketlərindən uğursuz istifadəni təkcə Paşinyan yox, hərbçilər də etiraf edib. Hətta Baş Qərargah rəisi, o cümlədən sabiq prezident Serj Sarqsyan da bu faktı təsdiq ediblər.
Xatırladaq ki, Nikol Paşinyan müharibə zamanı "İskəndər" raketlərindən istifadə olunduğunu, lakin onların cəmi 10 faizinin partladığını bildirib. Bu bəyanat Rusiyada böyük qəzəblə qarşılanıb. Ermənistanın Baş Qərargah rəisinin bu gün Paşinyanı istefaya çağırması da, elə bu qəzəbin nəticəsi hesab olunur.
"AzPolitika.info"
Şərhlər
YALAN DANIWANIN ATABATASINA LEHNET
Ruslar paşinyanı lap gic yerinə ( nəyə layiqdirsə ona) qoyublar... İtdi - qurddu, hər nədi , bilmir hara nə atıb və atdıqlarından nə qədəri partlamayıb?.. öz zibil silahlarını ört basdır etmək üçün, deyəcəklər ki paşikin dəlilik kağızı var...
Yalansa Putin-Lavrov cütlüyünün atasının goruna nəhlət.
Biz tezliklə ölkəmizdə Rusiyaya aid məktəbləri bağlamalıyıq.Rus dilinə məhəbbəti olanlar gedib Rusiyada yaşaya biulər.Ancaq bizə bizi həmişə qətl edən bir millətin dili lazım deyil.