Yeni Azərbaycan Partiyasının növbədənkənar qurultayı öz işini davam etdirir. Etikxeber.az saytının hakim partiya yetkililərindən aldığı məlumata görə, YAP sədri, Prezident İlham Əliyev və sədrin müavini, Birinci vitse-prezident Mehriban Əliyeva qurultaya birbaşa deyil, videokonfrans formatında qatılıblar. İlham Əliyev qurultayda çıxış edib.
Mənbə bildirib ki, 200-dən artıq YAP üzvünün hamsı eyni zala toplaşmayıb, onlar müxtəif zallardan onlayn formatda tədbirdə iştirak edirlər. Bu məqsədlə zallarda iri monitorlar quraşdırılıb.
YAP-dakı mənbələr bildirirlər ki, qurultay zamanı bır sıra tanınmışların, bəzi YAP-çı deputatların, dövlət və hökumət rəsmilərinin, bitərəflərin İdarə Heyətinə və Siyasi Şuraya seçilməsi gözlənilir.
Bunlar Prezident Administrasiyasının (PA) şöbə müdiri Ədalət Vəliyev, spiker Sahibə Qafarova, Birinci vitse-spiker Əli Hüseynli, həmçinin, millət vəkilləri Tahir Mirkişili, Elnur Allahverdiyev, Naqif Həmzəyev, Sadiq Qurbanov və digərləridir.
"AzPolitika.info"
Şərhlər