DAHA BİR HƏRBÇİMİZİN ŞƏHİD XƏBƏRİ GƏLDİ - FOTOLAR

Azərbaycan Ordusunun Vətən müharibəsində itkin düşən daha bir hərbi qulluqçusunun nəşi tapılıb. “Report”un xəbərinə görə, noyabrın 2-dən itkin düşən əsgər Kərimli Qalası Müslüm oğlunun torpaqlarımızın azadlığı uğrunda gedən döyüşlərdə şəhid olduğu təsdiqlənib.

Şəhidin nəşi Hacıqabul rayonunun Muğan qəsəbəsinə gətiriləcək və vida mərasimindən sonra qəsəbə qəbiristanlığında torpağa tapşırılacaq.

Dəfn mərasiminin aprelin 21-də keçiriləcəyi gözlənilir.

Qeyd edək ki, Q.Kərimli 2000-ci il yanvarın 8-də Hacıqabul rayonunun Muğan qəsəbəsində anadan olub. Nobarın 2-də onunla əlaqə kəsilib və barəsində heç bir məlumat almaq mümkün olmayıb. Q.Kərimli Şuşanın Daşaltı kəndi uğrunda gedən döyüşlərdə itkin düşüb.

Prezident İlham Əliyevin ötən ilin dekabrın 18-də imzaladığı sərəncam ilə əsgər Kərimli Qalası Müslüm oğlu “Cəsur döyüşçü” medalı ilə təltif edilib. O, Azərbaycan Respublikası ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarını və texnikasını məhv etməklə qoşunlarımızın döyüş qabiliyyətinin qorunub saxlanılmasında fərqləndiyinə görə təltif olunub.

635x100

Şərhlər

Xanım ana 2021-04-21 15:42:22

Qeyrət kasıbın balasındayməş. Yerin cənnət olsun, körpə şəhidim.

X 2021-04-20 12:10:17

MEKANIN CENNET OLSUN CAN KORPE QUZUM. NUR ICINDE YAT. HAQQIMIZ ODENILMEZ VALLAH ODENILMEZ. ICIM YANIR HER SEHID XEBERINE. BU KORPE QUZULARIN QAN TOKDUYU TORPAQDA ERMENI RUS AYAGI GEZMEMELIDI

Son yazılar