"Washington Post" qəzetinin səudiyyəli əməkdaşı Camal Kaşıkçının qətlində ittiham olunan 4 nəfər hadisədən bir il əvvəl ABŞ Dövlət Departamentinin təsdiqlədiyi xüsusi təlim proqramında iştirak ediblər.
"AzPolitika.info" xəbər verir ki, bu barədə "New York Times" qəzeti yazıb. Təlimlər ABŞ-ın Arkanzas ştatında özəl şirkət tərəfindən keçirilib. Məlumata əsasən, onun iştirakçıları Səudiyyə Ərəbistanı rəhbərliyinin mühafizəsini təmin edəcək əməkdaşlar olmalı idi.
2017-ci ildə könüllü olaraq ABŞ-a sürgünə gedən Camal Kaşıkçı Səudiyyə hakimiyyətinin sərt tənqidçisi olub. O, 2018-ci ildə Səudiyyə xəfiyyələri tərəfindən bu ölkənin İstanbuldakı konsulluğunda qətlə yetirilib. Onun meyiti xüsusi kimyəvi məhlulla əridilərək yox edilib.
"AzPolitika.info"
Şərhlər