Avropa İttifaqının (Aİ) üzvü olmayan yeddi dövlət Belarusa qarşı sanksiyalara qoşulub. Bu barədə Aİ Şurasının pres-relizində deyilir. Sənəd iyulun 6-da yayılıb.
Belarusa yönəlik məhdudlaşdırıcı tədbirlərin tətbiq edilməsi barədə qərarı Şimali Makedoniya, Çernoqoriya, Serbiya, Albaniya, İslandiya, Lixtenşteyn və Norveç qəbul edib.
Söhbət Aİ sanksiyalarının dördüncü paketinə qoşulmaqdan gedir. Sənəd iyunun 21-də qəbul olunub.
«Qərar onu göstərir ki, ölkələrin milli siyasəti Aİ Şurasının qərarları ilə razılaşdırılır. Avropa İttifaqı bu öhdəliyi nəzərə alır və alqışlayır» - press-relizdə göstərilir.
Xəbər verildiyi kimi, Almaniya kansleri Angela Merkel iyulun 5-də əmin olduğunu bildirmişdi ki, 6 Balkan ölkəsi «geopolitik səbəblər üzündən» gələcəkdə Aİ-nin üzvü olacaqlar. Söhbət Serbiyanın, Albaniyanın, Şimali Makedoniyanın, Kosovanın və Bosniya-Hersoqovinanın Aİ üzvlüyünə daxil olmasından gedir.
“AzPolitika.info”
Şərhlər