Həbsdə olan general Rövşən Əkbərovun oğlu Telman Əkbərov vəkil Elçin Sadıqova hucum edib. Telman Əkbərovun qarşısını digər şəxslər alıb.
"AzPolitika.info" xəbər verir ki, bu barədə vəkil özü sosial şəbəkədəki hesabında məlumat verib.
Hadisə Rövşən Əkbərovun cinayət işi üzrə prosesin keçirildiyi Bakı Hərbi Məhkəməsinin inzibati binasında baş verib.
Bununla bağlı vəkil Elçin Sadıqov Azərbaycan respublikasının Prezidenti İlham Əliyevə, Daxili işlər naziri Vilayət Eyvazova və Baş prokuror Kamran Əliyevə müraciət ünvanlayıb.
Vəkil müraciətində yazır:“Vəkillərə qarşı zorakılıq cəzasız qaldığından son zamanlar vəkillərə qarşı hədə qorxu gəlmək və zorakılıq artamqdadır. Artıq vətəndaşlar da cəzasız qalacaqlarına əmin olduqları üçün vəkillərə hücum edirlər. Belə ki, bu gün(sentyabrın 1-də) general Rövşən Əkbərovun təqsirləndirildiyi cinayət işi üzrə öldürülmüş Əliyev Elçin Fəday oğlunun hüquqi varisi Əliyev Fədayın hüquqlarını müdafiə edirəm. Məhkəmə prosesində Rövşən Əkbərovun əməlinin ifşa olunması üçün faəliyyət göstərdiyimə görə məhkəmə iclaslndan çıxarkən Bakı Hərbi Məhkəməsinin ikinci mərtəbəsində pilləkənin qarşısında Rövşən Əkbərovun oğlu (mətbuatdan öyrəndim ki, adı Telmandır) mənə hücum etdi. Onun qarşısını digər şəxslər aldı. Bununla bağlı məhkəmənin kamera yazısından başqa məndə də sübut vardır. Xahiş edirəm ki, general Rövşən Əkbərovun oğlunun bu gün Bakı Hərbi Məhkəməsinin ikinci mərtəbəsində mənə hücum etməsi faktını xüsusi nəzarətə götürərək, Rövşən Əkbərovun oğlunun məsuliyyətə cəlb edilməsinə göstəriş verəsiniz”.
"AzPolitika.info"
Şərhlər
Görünür,atasının yarğısız mühakimə olunacağına əmindir.Ona görə də cinayət əməlindən çəkinmir.Qanunlar ,ancaq kasıb və yiyəsiz adamlar üçün istifadə edilir.
Burda teeccüblü heç ne yoxdur.Bele qoçu atanın ele de lotu oğlu olmalıdır.Başqa çür ola bilmez.Bu mentiqi neticedir,gedib rehmete geden cavan bir insanın yaxınlarından ğzr istemek,ürek direk vermek eveziene hele bekile hücüm etmek en azından allahsızlqdır.Sen gözle gör Mehkrme ne qerar verir ondan sonra başka lotuluğa .Allah gec eyler ancaq güc eyler.Gec tez Haqq öz yerini tapıb hemişe.