“İnanıram ki, buralardan ayrılmaq məcburiyyətində qalan azərbaycanlı qardaşlarımız üçün buradan müjdəni vermək mümkün olacaq”.
“Report”un xəbərinə görə, bunu Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevlə Zəngilanda keçirilən birgə mətbuat konfransında çıxışı zamanı deyib.
“İnanıram ki, azərbaycanlı qardaşlarım ən qısa zamanda ayrıldıqları torpaqlara, daha gözəl bir şəkildə inşa və bərpa edilən bu yerlərə dönəcəklər. Buradan qarşımızdakı binaya baxırıq, solumuzdakı binalara baxırıq. Buralar daha gözəl bir şəkildə inşa edilir“, - deyə dövlət başçısı vurğulayıb.
“Bura gəlməzdən əvvəl Füzulini bir tərəfdən Şuşaya, digər tərəfdən isə cənub sərhədləri boyunca Ağbəndə, gələcəkdə də Naxçıvana birləşəcək yolların inşa edilməsini gördük və işləyən qardaşlarımızla bir araya gəldik” - deyə, Ərdoğan bildirb.
“Bu qədər qısa vaxtda bölgənin bərpasında qət edilən məsafə həm Azərbaycan, həm də bölgəmiz üçün qürur, eyni zamanda ümidvericidir. Azərbaycan bütün dünyaya örnək göstəriləcək bir inkişaf modeli ilə bölgəni inkişaf etdirmək üçün işlərini davam etdirir", - deyə dövlət başçısı vurğulayıb.
Şərhlər