Son bir ayda Kliniki Tibbi Mərkəzə dəm qazından zəhərlənmə faktı ilə bağlı 30 nəfər müraciət edib.
KTM-dən verilən məlumata görə, onlar arasında ölüm hadisəsi qeydə alınmayıb.
Qeyd olunub ki, müraciət edənlərin hər biri həkimlərin səyi nəticəsində sağalaraq, evə buraxılıb.
"Havaların soyuması ilə əlaqədar son zamanlar dəm qazından zəhərlənmə halları çoxalıb və bu səbəbdən də əhalini ehtiyatlı olmağa çağırırıq. Dəm qazından zəhərlənmə əlamətləri əsasən bunlardır: Başgicəllənmə, başağrısı, ürəkbulanma, qulaqlarda küy, qusma, yuxululuq, müvazinətin itməsi, sayıqlama, hallüsinasiyalar, qıcolma tutmaları və s. Dəm qazından zəhərlənmə zamanı ilkin təcili yardım gələnədək bəzi tədbirlərin görülməsi kritik vəziyyətin qarşısını ala bilər. Dəm qazından zəhərlənən şəxsi təmiz havaya çıxarmaqla yanaşı, ağız boşluğunu selikdən təmizləmək, nəfəs almasını bərpa etmək və lazım gələrsə, süni nəfəs vermək lazımdır. Lakin bütün hallarda xəstənin xəstəxanaya çatdırılması, həkim nəzarətinə götürülməsi mütləqdir" - məlumatda bildirilib.
Şərhlər
Əhaliyə səmt qazı verməyin.Bu qaz evlərdə istifadyə yararsızdır.Əgər xatırlayırsınızsa neft ayırma zavodlarında həmin qaz uca borularda yandırıırdı.İndi bu görünmür.Ehtimal olunur ki, bu qazı da əhaliyə verirlər.Məlumdur ki, bu qazları BİPİ pulsuz olaraq AZQAZ-a verir.AZQAZ isə bu havayı əldə etdiyi qazı satır. Qazdan zəhərlənmələrin əsl səbəbi belə qazların əhaıiyə verilməsi əsas olaraq qəbul edilməli və AZQAZ buna son qoymalıdır.küqaz