Azərbaycan-Ermənistan dövlət sərhədinin Kəlbəcər rayonu istiqamətində dekabrın 8-i gecə saatlarında Ermənistan silahlı qüvvələrinin törətdiyi növbəti təxribat nəticəsində şəhid olan hərbi qulluqçumuz əsgər Asif Əliyev dəfn edilib.
"Report"un Şimal bürosunun məlumatına görə, 2002-ci il təvəllüdlü əsgər Əliyev Asif Adil oğlu Zarat kəndində torpağa tapşırılıb.
A.Əliyev Vətən müharibəsi iştirakçısıdır. Prezident İlham Əliyevin müvafiq sərəncamı ilə "Kəlbəcərin azad olunmasına görə" medalı ilə təltif edilib.
Allah rəhmət eləsin!
***
Azərbaycan-Ermənistan dövlət sərhədinin Kəlbəcər rayonu istiqamətində dekabrın 8-i gecə saatlarında Ermənistan silahlı qüvvələrinin törətdiyi növbəti təxribat nəticəsində hərbi qulluqçumuz əsgər Əliyev Asif Adil oğlu şəhid olub.
Oxu.Az xəbər verir ki, onun nəşi bu gün axşam saatlarında doğulduğu Siyəzən rayonuna gətirilir..
Yaşadığı evdə vida mərasimi keçiriləndən sonra şəhid Siyəzəndə torpağa tapşırılacaq.
Allah rəhmət eləsin!
Şərhlər
Allah rehmet elesin
ALLAH rəhmət eləsin. ALLAH Valideynlərinə səbr versin.
Allah rəhmət eləsin!