“Azərbaycan hökuməti 2020-ci ildə öz quru və dəniz sərhədləri daxilində, eləcə də Cənubi Qafqazdan insan, pul və material keçirməsinə yönəlik terror cəhdlərini aşkarlayaraq aradan qaldırılması yönündə fəal işləyib. Azərbaycanın hüquq mühafizə və təhlükəsizlik xidmətləri terror hücumlarının pozulması və önlənməsi üçün əməliyyatlar aparıb, şübhəli terrorçuları həbs və mühakimə edib, ölkədə kənarda terrorçu qruplara qoşulmaqda və onları maliyyələşdirməkdə şübhəli bilinən azərbaycanlıları mühakimə edib”.
ABŞ Dövlət Departamenti dekabrın 17-də “2020-ci il Ölkələr üzrə Terrorçuluq” hesabatını yayıb. Hesabatın Azərbaycana aid hissəsində deyilir ki, hüquq mühafizə və təhlükəsizlik xidmətləri ölkə ərazisində terrorçuluğun aşkarlanması və önlənməsində adekvat qabiliyyət sərgiləyiblər.
Hesabatda Prezident İlham Əliyevin ötən ilin martında Xüsusi Dövlət Mühafizə Xidmətini ləğv edərək yerində üç qurum yaratmasından, bu qurumlar arasında iş bölgüsündən söz açılır.
“Azərbaycan ölkəyə giriş məntəqələrində terrorçu və cinayətkarların axtarış siyahılarından və bioqrafik/biometrik yoxlamadan istifadə edir. Azərbaycanın hüquq mühafizə və təhlükəsizlik xidmətləri terrorçuluq məsələlərinə dair informasiyanı öz aralarında, eləcə də regional və beynəlxalq tərəfdaşlarla paylaşır”, – hesabatda vurğulanır.
"AzPolitika.info"
Şərhlər
ABŞ Dövlət Departamentindən DÖVLƏTimiz haqqında hədsiz qürurverici xəbərdir! Ancaq, otuz il öncə milyonlarla azərbaycanlılara qarşı Milis Zoru və Qarababağlarda millətçi "Miatsum"a səs-razılıq verməyən azərbaycanlılara qarşı Hərbi Soyqırım terrorçularına qarşı nə qarşılıqlı Beynəlxalq, nə Azərbaycan hüquq-mühafizə tədbirləri haqqında bir məlumat yoxdur? Milyonlarla azərbaycanlı ailələri öz evlərindən terror edilib, Qarabağda on mindən çox uşaq, qadın, qoca və qarşıya çıxan hər kəs məhv edilib. Mülkləri, kənd, şəhər məskənləri tarixdə olmamış vəhşicəsinə viranə edilib, yollar minalanıb???nə