Polşanın xarici işlər naziri, ATƏT-in fəaliyyətdə olan sədri Zbiqnev Rau Azərbaycan-Ermənistan dövlət sərhədində baş verən son insidentlərlə bağlı bəyanat yayıb.
“Report”un xəbərinə görə, o, sərhəddə yenidən toqquşmaların qeydə alınmasından və bunun insan tələfatı ilə nəticələnməsindən dərin narahatlığını bildirib.
“Biz tərəfləri güc tətbiqindən çəkinməyə və bu yaxınlarda başlayan mənalı siyasi dialoqu davam etdirməyə çağırırıq. Polşa ATƏT-in sədri kimi regionda davamlı sülhün bərqərar olmasına və davamlı inkişafın təşviqinə yönəlmiş səyləri gücləndirmək üçün tərəfdaşlarla işləməyə hazırdır. Biz bununla bağlı ATƏT-in Minsk Qrupunun həmsədrlərinin səylərini dəstəkləyirik”, - bəyanatda vurğulanıb.
Şərhlər
Cənab Polfa səfiri və Cənab Zbiqnev Rau, 1994 cü ildən dəfələrlə qeyd edilib ki, Ermənistanının Azərbaycanla münaqişəsinin (hərbi işğalının) qəti həlli BMT TŞnın operativ həlli və ya sərhəddin bağlanması ilə birdəfəlik qapana bilərdi? Hazırda Rusiya sülməramlılarının Azərbaycan tərəfdən otuz il işğalda saxlanmış respublikamızın sərhədlərini birgə müdafə etməsi yuxarı Qarabağda saxlanmasından daha effektiv olardı?