13 ölkənin parlamentariləri “Ukraynanın hava hücumundan müdafiə sisteminin təcili modernləşdirilməsinin zəruriliyi haqqında” birgə bəyanat imzalayıblar.
Bu məlumatı Ukrayna Ali Radasının sədri Ruslan Stefançuk verib.
“Bu gün dostlarımız - Çexiya, Estoniya, Polşa, Fransa, Gürcüstan, Almaniya, İrlandiya, Latviya, Litva, Niderland, İsveç, Böyük Britaniya, ABŞ parlamentariləri birgə müdafiə bəyanatı imzaladılar” - o bildirib.
Stefançukun sözlərinə görə, bəyanatda qeyd olunur ki, bütün bu ölkələr Ukraynanın yanındadır və ölkənin müdafiəsinə qalxacaqlar.
O əlavə edib ki, dünyanın müxtəlif ölkələrinin nümayəndələri Ukraynada sülhün bərqərar olması üçün qətiyyətli addımların atılmasını tələb edirlər. Məhz Ukraynanın hərbi və mülki müdafiəsini dəstəkləmək, hava məkanını qorumaq və Ukrayna ərazisində Rusiya texnikasının hərəkətini dayandırmaq tank və zenit silahların tədarükü ilə edilə bilər: “Humanitar yardım göstərin - atəşə tutulan və bombalanan Ukrayna şəhərlərinə ərzaq və dərmanların çatdırılmasını təmin edin, yaralıları və qaçqınları xilas edin. Bütün qonşu dövlətlər üçün təhlükə yaradan Ukrayna nüvə obyektlərini qoruyun. Rusiyanın Cenevrə Konvensiyaları ilə tələblərə əməl etmək məsuliyyətini dərk etməsi vacibdir”. (publika.az)
Şərhlər
Ukraynanın xilası TURAN birliyindədir.
Ukraynaya daş atan vəhşi Rusiya bir daha təsdiq etdi ki, MDB məkanında ən təhlükəli və terrorçu ölkə odur.Bundan sonra cin-şeytan adı gələndə "Bismillah" deyildiyi kimi,rusun da adı gələndə adamlar qulaqlarını dartacaqlar...
Ukraynanın eyni əsrdə ikinci müharibə dağıntılarından xilası, Avropanın tarazlığı və MDB asayişi üçün Ukraynanın operativ mütləq qaydada Avropa İttifaqına və NATOya üzvlüyü optimal və gələcək çıxış yolu kimi görünür!?