Ukraynanın Sumı Vilayət Dövlət Administrasiyasının rəhbəri Dmitri Jiviski bildirib ki, bölgə rus işğalçılarından tamamilə azad edilib, lakin hələ də minalardan təmizlənməyə ehtiyac var.

Bu barədəJiviskinin feysbuk hesabındakı açıqlamasında xəbər verib.

"Vilayətin ərazisi işğalçılardan azaddır, buna görə də partlayış səsləri eşidirsinizsə (son günlər çox olub), bilin ki, xilasedicilər və partlayıcı qurğular işləyir. Onlar torpaqlarımız rusiyalı hərbçilərdən qalan sursatları zərərsizləşdirirlər”, - Sumı Regional Dövlət Administrasiyasının rəhbəri yazıb.

Eyni zamanda Jiviski ukraynalılara xəbərdarlıq edib ki, ərazi hələ də təhlükəlidir. Rusiya hərbçiləri hələ yoxlanılmamış çoxlu minalanmış əraziləri qoyub gediblər.

O, meşə yollarından istifadə etməməyi məsləhət görüb.

“Dağıdılmış texnikaya və ya işğalçıların dayanacaq kimi istifadə etdiyi yerlərə yaxınlaşmayın! Mən bilirəm ki, orada hər şey dəhşətlidir, amma hələ təmizləmə vaxtı deyil. Əvvəlcə minalardan təmizlənilmə işləri aparılmalıdır”, - Jiviski əlavə edib.

Sumı Regional Dövlət Administrasiyasının aprelin 4-də bildirib ki, Rusiya qoşunları Ukraynanın Sumı vilayətini tərk edir. Dmitri Jiviski Rusiya qoşunlarının bölgə ərazisindən fəal şəkildə çıxarıldığını vurğulayıb.

"Sumı vilayətindən şad xəbərimiz var. Dünəndən etibarən Rusiya qoşunları bölgəmizdən fəal şəkildə öz ərazilərinə getməyə başlayıblar. Son günlər biz Rusiya qoşunlarının Belopolyedən Konotopun özünə qədər cəmləşməsini müşahidə etdik. Yeni hərbi karvanlar daxil olub, onlar vilayətdə, icmalarda terrorla məşğul olublar, dinc əhaliyə atəş açıblar, meşələri, evləri, küçələri tanklardan, qumbaraatanlardan atəşə tutublar”, - Jiviski deyib.

Bu arada “Amerikanın səsi”nə müsahibəsində Buça şəhərinin meri Anatoli Fedoruk son vəziyyətlə bağlı açıqlama verib. 

"Rusiya işğalçılarının Kiyev yaxınlığında yerləşən Buça şəhərində qətlə yetirdikləri 163 dinc sakinin şəxsiyyəti müəyyənləşdirilib. Bu, küçələrdə aşkarlanmış meyitlərin, təxminən, yarısıdır”. - deyə,  Anatoli Fedoruk bildirib.

O, indiyədək şəhərdə 320-dək meyitin toplandığını, lakin hər gün yeni-yeni meyitlərin aşkarlandığını deyib.

“Rusiyanın silahlı təcavüzü nəticəsində Ukraynada 169 uşaq ölüb, 306 uşaq isə yaralanıb”. Bu barədə isə Ukrayna Baş Prokurorluğu məlumat yayıb.

Qeyd olunub ki, bununla yanaşı, 475-dən çox uşaq xəsarət alıb.

Həmçinin bildirilib ki, Rusiyanın bombardmanları nəticəsində 928 təhsil müəssisəsinə ziyan dəyib, onlardan 84-ü tamamilə dağılıb.