Kremlin mətbuat katibi Dmitri Peskov Qara dənizdə batan “Moskva” kreyseri ilə bağlı suallara cavab verməkdən çəkinib.
APA-nın Moskva müxbiri xəbər verir ki, o, “Moskva” kreyseri ətrafında baş verənlərlə bağlı suallara cavabında deyib ki, bu məsələ hərbçilərin səlahiyyətindədir.
Qeyd edək ki, dünən Rusiyanın Qara Dəniz Donanmasının flaqmanı hesab olunan “Moskva” raket kreyseri batıb. Ukrayna tərəfi kreyseri raketlə vurduğunu açıqlayıb. Rəsmi Moskva isə bunu təkzib edərək, ilk öncə kreyserdə yanğın baş verdiyini, lakin hərbi gəminin işlək vəziyyətdə olduğunu açıqlayıb. Aprelin 14-də axşam saatlarında Rusiya Müdafiə Nazirliyi “Moskva” kreyserinin yedəkdə sahilə aparılarkən dənizdə tufan şəraitində batdığı barədə məlumat yayıb.
Şərhlər
Budur özünün dünyanın aparıcı dövleti ,Ordusunu ise iki güclğ dövletden biri hesab eden Rusiyanın veziyyeti ve seviyyesi.Bunlar hele o qeder de güclü olmayan Ukrayna ile döyüşürler,eger NATO-her hansi bir ölkesi meselen qardaş Türkiyye ile vuruşsalar ne güne düşerler.