Xəzər dənizində İrana məxsus yük gəmisinin yanacağı tükənib və gəmi hərəkətsiz qalıb.
Virtualaz.org saytı Rusiya mənbələrinə istinadən xəbər verir ki, İranın gəmiçilik şirkətinə məxsus “Amur-2504” adlı gəminin Bakı limanından 50 mil məsafədə yanacağı tükənib.
Rusiya Nəqliyyat Nazirliyinin dəniz xilasetmə-koordinasiya mərkəzindən verilən məlumata görə, gəminin köməyinə “Marxau” teploxodu göndərilib. Teploxod İran gəmisinə 9 ton yanacaq aparır.
Gəminin göyərtəsində 13 nəfərdən ibarət heyət üzvü var, onlar İran və Hindistan vətəndaşlarıdır.
Gəminin Bakı limanına istiqamət aldığı ehtimal olunur.
Şərhlər