“869 milyon manatlıq vəsait aktivlərin tanınması üçün xərclənib. Bizim yoxlamalar zamanı isə məlum olub ki, həmin aktivlər tanınmayıb, sadəcə, pul silinib”.
APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Hesablama Palatasının 2021-ci ildə fəaliyyəti haqqında” Hesabatın müzakirəsi zamanı Hesablama Palatasının sədri Vüqar Gülməmmədov deyib.
O bildirib ki, bununla bağlı təşkilatların, qurumların qarşısında şərt qoyublar və bu vəsait büdcəyə bərpa olunmalıdır: “Çünki bu vəsait dövlət büdcəsindən ayrılıb ki, müəyyən iş həyata keçirilsin”.
Şərhlər
Maraqlı məntiqdir. Deməli bacardığın qədər ye, ogurla və üstü açılsa qaytararsan, və sənə heç nə edilməyəcək. Yox əgər üstü açılmasa halal xoşun olsun, eləmi? İndi belə vəziyyətdə kim büdcə pulunu ogurlamaz ki? Sayənizdə xəbəri olmayanlar da bildi və onlar da büdcəni gəmirməyə başlayacaq.