Çeçenistan lideri Ramazan Kadırov Türkiyənin yaralı ukrayna hərbçilərini və mülki vətəndaşları təxliyə etmək üçün “Azovstal” zavoduna gəmi göndərmək təklifinə reaksiya verib.
“AzPolitika.info” xəbər verir ki, bu barədə Ramazan Kadırov özünün telegram hesabından paylaşım edib.
Kadorıv Ərdoğanı “Azovstal” zavodundan Ukrayna qüvvələrini xilas etməməyə çağırıb: “Bu cinayətkarların sizi aldatmalarına imkan verməyin. "Azov" döyüşçüləri sizə günahsız qurbanlar kimi göstərilən qatillər və ateistlərdir”.
Xatırladaq ki, ötən gün Türkiyə Prezidentinin sözçüsü İbrahim Kalın açıqlama verərək, Türkiyənin Rusiyanın mühasirəsində olan Ukraynadakı “Azovstal” fabrikindən yaralı əsgərlərin və mülki vətəndaşların təxliyəsi üçün gəmilər göndərməyi təklif edib.
“Türkiyənin bir neçə təxliyə planı var. Gəmilərimiz yaralı əsgərləri və digər mülki insanları Türkiyəyə gətirməyə hazırdır”, - Kalın bildirib.
Şərhlər
Bu keçi saqqalda özünü adam sayır.
Kadırov xırda bir əyalət qulluqçusudur.Bu adamın Sayın Ərdoğan səviyyəsində iddialar ortaya atması düzgün deyil.
Hər yoldan ötən gədə- gedə Ərdoğana məsləhət verməyə təşəbbüs edir.
Sanki, bu insanlar paralel dunyada yaşayırlar.Özunu və sözunu bilməyənlər Ərdoğan kimi dunya siyasətçisinə məsləhət vermək iddiasındadır.