Ölkə yollarında təhlükəli avtomobil idarə edən, digər hərəkət iştirakçılarına təhlükə yaradan, avtoxuliqanlıq hərəkətlərinə yol verən və bütün bunları videoya çəkərək sosial şəbəkələrdə özünə məxsus hesablarda paylaşan sürücü barəsində müvafiq tədbir görülüb.
"AzPolitika" "avtosfer.az"a istinadla xəbər verir ki, bu əməlləri törədənin Məlikov Əziz Soltanpaşa oğlu olduğu aşkara çıxıb. Maraqlıdır ki, hərbi xidmətdə ola-ola bu əməlləri törədən və video çəkərək social şəbəkələrdə paylaşan şəxs tanınmış iş adamaının oğludur.
Bakı Şəhəri Dövlət Yol Polisi İdarəsindən verilən məlumata görə, aprelin 26-ı gecə saat 01:32 radələrində Nəsimi rayonu Cavadxan küçəsi ərazisində 99-BC-181 dövlət nömrə nişanlı, "Chevrolet Cruze" markalı avtomobilin sürücüsü Məlikov Əziz Soltanpaşa oğlu əl əyləcindən istifadə edərək avtomobili bir neçə dəfə fırladıb. Sürücü asfalt örtüyü üzərində təkər izləri buraxaraq avtoxuliqanlıq edib və hadisə yerindən qaçıb. Həmin zaman sürücüyə saxla əmri verilsə də, avtomobili saxlamayıb, müxtəlif qaydaları pozmaqla hadisə yerindən yayınıb.
Sürücü bir neçə gün axtarıldıqdan sonra yeri müəyyən olub və məlum olub ki, Əziz Məlikov hazırda hərbi hissədə hərbi qulluqdadır.
Sürücü barəsində İnzibati Xətalar Məcəlləsinin 511.1.3 maddəsi ilə protokol tərtib olunub. O hal-hazırda hərbi xidmətdə olduğu üçün iş hərbi məhkəməyə göndərilib.
Şərhlər
Biabırçılıq! Belə ataları oğulları ilə içəri salmaq lazımdır! Binamuslar!
Oliqarxların və varlı adamların uşaqları,əsasən gənclər və idman nazirliyinin köməyi ilə ordunun döyüşən hissəsindən yayınırlar.Onlara nazirlik tərəfindən hansısa idman növü üzrə xüsusi arayışlar satılır,guya idmançıdırlar.Beləliklə ön cəbhədən kənarda "xidmətlərini" başa vururlar....
O O zaman papanın güı balasının avtoşluğunun səbəbini bilərsiniz.ərbu hissədə olur ki? Sadəcə adını yazdırıb,guya xidmət edir.İnanmırsınıza hərbi hissədə xidmət edən əsgərlərdə sorun görək onu hissədə tanıyan və yaonun tanıdığı həmin hissədə əsgər toldaşları kimlərdir?D