SABİQ PREZİDENT BELƏ SAXLANILDI - VİDEO
Moldovanın beşinci prezidenti İqor Dodonu saxlanılması anları yayımlanıb. O, dövlətə xəyanətdə şübhəli bilinərək saxlanılıb. Bu barədə Point.md məlumat yayıb.
Moldovanın İnformasiya və Təhlükəsizlik Xidmətinin əməkdaşları tərəfindən siyasətçinin evinə ağ mikroavtobus sürülüb. Bu zaman siyasətçinin evinin yaxınlığında aksiya keçirilib və insanlar “Həbsxana!” şüarları səsləndiriblər.
Dodon sakitcə maşına minib və heç bir açıqlama verməyib. Hüquq-mühafizə orqanlarının əməkdaşları onu həbs edərək istintaq təcridxanasına qədər müşayiət ediblər.
Korrupsiyaya Qarşı Mübarizə Prokurorluğunun nümayəndəsinin sözlərinə görə, bu iş üzrə daha iki nəfər saxlanılıb.
Mayın 24-də korrupsiyaya qarşı mübarizə prokurorları Milli Antikorrupsiya Mərkəzinin və İnformasiya və Təhlükəsizlik Xidmətinin əməkdaşları ilə birlikdə rusiyalı həmkarı Vladimir Putinə sədaqəti ilə seçilən Moldovanın beşinci prezidenti İqor Dodonun evində axtarış aparıblar. Bundan başqa,ona məxsus daşınmaz əmlaklarda da istintaq hərəkətləri həyata keçirilib.
Axtarışlar passiv korrupsiya, qanunsuz varlanma, dövlətə xəyanət və cinayətkar təşkilat tərəfindən Sosialist Partiyasını maliyyələşdirmə işi çərçivəsində aparılıb.
Şərhlər
Çoxdan məlum idi ki, Dadon Putinin adamıdır. Necə ki ,məsələn, Orban. Və ilaxır.