“7 aya yaxın deputatlarla bu binada oturdum, bir nəfər gəlib maraqlanmadı...”

Milli Məclisin keçmiş vitse-spikeri, Ələt Azad İqtisadi Zonasının İdarə Heyətinin sədri Valeh Ələsgərov deputatlardan şikayətlənib.

“Report”un xəbərinə görə, o, parlamentin bu gün keçirilən iclasında “Ələt Azad İqtisadi Zonası haqqında” qanuna dəyişikliklər layihəsinin I oxunuşda müzakirəsi zamanı deyib ki, 7 aya yaxın müddətdə deputatlarla bu binada oturub:

“Bir nəfər olsun gəlib işlərin necə getdiyi ilə maraqlanmadı, niyə burda oturduğumuzla maraqlanmadı. Buna görə də xahiş edirəm, əgər imkan varsa, gəlin yerində bütün məsələlərə baxın”.