Sabiq əmək və əhalinin sosial müdafiəsi naziri Səlim Müslümov xəstəxanaya yerləşdirilib. Bu barədə Trend-ə sabiq nazirin qohumları məlumat verib.
Məlumata görə, Səlim Müslümov qan təzyiqi və şəkərli diabetdən əziyyət çəkir. İstintaq təcridxanasından ev dustaqlığına buraxılandan sonra sabiq nazirin səhhətindəki problemlər ciddiləşdiyindən o, Bakıdakı özəl klinikalardan birinə yerləşdirilib. Hazırda onun müalicələri davam etdirilir.
Qeyd edək ki, S.Müslümov 2021-ci ilin fevral ayında Dövlət Təhlükəsizliyi Xidməti (DTX) tərəfindən saxlanılmışdı. Bir müddət öncə sabiq nazir səhhətində yaranan problemlərə görə Penitensiar Xidmətin müalicə müəssisəsinə yerləşdirilmiş, orada müalicələri nəticə vermədiyindən ev dustaqlığına buraxılmışdı.
Sabiq nazir Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə təqsirləndirilən şəxs qismində məsuliyyətə cəlb olunaraq barəsində məhkəmənin qərarı ilə həbs qətimkan tədbiri seçilib.
Şərhlər
Səlim nazir olandan sonra gözü qabağını görmürdü ? Dövlət əmlakını talan edənlərə qarşı heç bir güzəşt olmamalıdır !
Allah- təala Səlimə elədiyi haqsızlıqların, haqqını yediyi əlilin, zəlilin ahu- nailələrinin, qarğışlarının bədənini ödətdirir. Səlim o qədər qudurmuşdu ki, onu türmədən çıxarıb nazir edənə də xəyanət etməyə cəsarət etdi. Hələ yaşayırsa şükr eləsin. O ölməyə layiq olduğunu ortaya qoymuşdu..Görünən odur ki, yavaş yavaş buraxırlar. Elədirsə bu düz iş deyil...