İran xarici işlər nazirinin Afrika və ərəb ölkələri üzrə müavini Hüseyn Əmir Abdullahiyan noyabrın 6-da jurnalistlərə açıqlamasında ölkənin Suriya siyasətindən danışıb.
“Media forum” saytının məlumatına görə, Hüseyn Əmir Abdullahiyan deyib ki, Suriya probleminin hərbi həlli yoxdur: “Tehran və Moskva bir sıra digər ölkələrlə birlikdə Suriya hökumətinə dəstəyi davam etdirəcək. Bölgədə terrora məruz qalmış ölkələrə kollektiv dəstək bütün ölkələrin mənafeyinə uyğundur. İran da tam ciddiliklə bu istiqamətdə hərəkət edir. Bəşər Əsədin rəhbərliyi və Suriya xalqının müqaviməti olmasaydı, dünya radikal qrupların və terrorçuların Dəməşqdə hakimiyyəti ələ keçirməsinin şahidi olardı”.
Şərhlər