İsa Qəmbərin şikayətinə baxılacaq

Bakı İnzibati Məhkəməsi siyasətçi İsa Qəmbərin şikayətinə hakim Orxan Həsənovun sədrliyi ilə baxacaq. Novator.az-a açıqlama verən vəkil Nemət Kərimli deyib ki, ilkin proses iyulun 18-i saat 15:30 təyin olunub.

Şikayət ərizəsində siyasətçinin əmək pensiyası hüququnun pozulduğu qeyd edilir. Nemət Kərimli İsa Qəmbərin xüsusi şərtlərlə əmək pensiyası almalı olduğunu bildirir: “Biz Bakı İnzibati Məhkəməsindən Dövlət Sosial Müdafiə Fondunun boynuna “Əmək pensiyaları haqqında” qanuna riayət etmək, Milli Məclisin sədri olmuş İsa Qəmbərə sədrin əməkhaqqının 80 faizi qədər əmək pensiyası kəsmək öhdəliyi qoyulmasını istəmişik”.

Mayın 11-də İsa Qəmbərə yaşa görə 180 manat müavinət kəsilib. Dövlət Sosial Müdafiə Fondu bəyan edib ki, qanun pensiya hüququ üçün ya 25 il sığorta stajı, ya da minimum pensiya kapitalı (hazırda 34560 manatdır) şərti qoyur, İsa Qəmbərin sənədləri bu şərtlərə uyğun gəlməyib.

İsa Qəmbər pensiya yaşına – 65 yaşa 2022-ci il fevralın 24-də çatıb.

1957-ci il təvəllüdlü İsa Qəmbər milli azadlıq hərəkatının liderlərindən biridir. 1990-1995-ci illərdə parlamentin deputatı, 1992-1993-cü illərdə sədri olub, 1992-ci il mayın 18-dən iyunun 17-dək prezident səlahiyyətlərini icra edib.

İsa Qəmbər 1992-2014-cü illərdə Müsavatın başqanı olub, hazırda partiya Məclisinin üzvü, Milli Strateji Düşüncə Mərkəzinin sədridir

635x100

Şərhlər

t.ədalət 2022-07-01 10:17:11

İsa Qənbərin müexalifət,və ya iqtidar olmasının əhəmiyyəti yoxdur,o haqqı olan pensiyanı almalıdır.Rusiyaya sonadək xidmət edsən,Şuşanın süqutunu vəzifə hərisliyinə təşkil edən,anti-türk Ayaz Mütəllibova pensiya düşürdüsə,milli azadlıq yolunda həyatlarını girov qoyanlara pensiya vermək,nədən yasaq olsun?

Son yazılar