Bu gün Türkiyə, Rusiya, Ukrayna və BMT nümayəndələrinin görüşü keçiriləcək

Bu gün İstanbulda Türkiyə, Ukrayna, Rusiya və BMT nümayəndə heyətlərinin növbəti görüşü keçiriləcək.

“Report” xəbər verir ki, görüşdə Ukrayna limanlarında gözləyən taxıl yüklü gəmilərin daşınması sazişinin imzalanması gözlənilir.

Qeyd olunub ki, imzalanma mərasimi İstanbulun Dolmabahçe sarayında keçiriləcək.

Görüşdə Türkiyə Prezidenti Rəcəb Tayyib Ərdoğanın, BMT Baş katibi Antonio Quttereşin də iştirak edəcəyi nəzərdə tutulub.