Qəndəharın mərkəzi həbsxanasının rəsmiləri bildirib ki, 11 polis qadından 9-u öz vəzifələrinə qayıdıb və bu həbsxananın bütün inzibati heyəti öz vəzifələrinə qayıtmağa çağırılıb.
Qəndəhar Mərkəzi Həbsxanasının rəhbəri Mövlavi Akhter Məhəmməd Ağa Hüseyni “The Frontier Post”a deyib ki, qadınlar üçün ayrıca bölmə var və onlar buna görə bütün gün məsuliyyət daşıyan doqquz polis qadını işə götürməli olub.
Həbsxanadakı polis qadınların rəhbəri Fəridə deyib ki, o, 7 ay gözlədikdən sonra işinə qayıdıb və hazırda işləyərək ailəsinin maddi xərclərini ödəyə bilir.
Hazırda Qəndəhar həbsxanasının qadın bölməsində 50 məhbus qadın var. Aralarında cinayətkarlarla yanaşı, narkotikdən asılı olan və müalicə olunanlar da var.
İslam Əmirliyi ölkədə hakimiyyəti ələ keçirdikdən sonra bir çox qadın, xüsusən də təhlükəsizlik orqanlarında çalışanlar işsiz qalıb və hazırda onlar pis iqtisadi vəziyyətdən əziyyət çəkir.
AzPolitika.info
Şərhlər