ORDUMUZ ANTİ-TERROR ƏMƏLİYYATI KEÇİRİB - Xeyli sayda erməni terrorçusu məhv edilib və yaralanıb + VİDEOLAR (Yenilənib)

Azərbaycan bölmələrinin keçirdiyi antiterror əməliyyatı nəticəsində yaralanan erməni hərbçilərin sayı artaraq 19 nəfərə çatıb.

Bunu qondarma rejimin oyuncaq “səhiyyə naziri” Mikayel Airyan “Azadlıq” radiosuna müsahibəsində bildirib.

O deyib ki, vəziyyəti ağır olan 4 yaralıdan birinin vəziyyəti son dərəcə ağırdır, əməliyyat bu saatlarda tamamlanıb.

Digərlərinin vəziyyəti isə orta ağır qiymətləndirilir. Yaralıların İrəvana gətirilməsinə ehtiyac olub-olmadığını soruşduqda o, deyib ki, buna ehtiyac var: “Yaralıların bir hissəsi artıq çatdırılıb, qalanları yoldadır”.

***

Azərbaycan Ordusu Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinə qarşı antiterror əməliyyatı keçirib.

Nəticədə 4 erməni terrorçusu məhv edilib, 15-i yaralanıb.

Əməliyyat çərçivəsində terrorçuların gizləndikləri sığınacaq və mövqelərə zərbələr endirilib, silah-sursat anbarları sıradan çıxarılıb.




Qeyd edək ki, Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri avqustun 3-ü səhər saatlarında Laçın rayonu istiqamətində yerləşən Azərbaycan Ordusunun bölmələrinin mövqelərini intensiv atəşə tutub.

Nəticədə müddətli həqiqi hərbi xidmət hərbi qulluqçusu əsgər Kazımov Anar Rüstəm oğlu aldığı güllə yarasından şəhid olub.

635x100

Şərhlər

Elmira 2022-08-05 10:07:15

Yaşasın müzəffər Prezidentimiz! Yaşasın ordumuz! Yaşasın Azərbaycan!!!

İncognito 2022-08-04 13:28:05

Yeni "366 alayı", yəni rus-erməni hərbi birləşmələrini Azərbaycanın tarixi torpaqlarından çıxartmaq vaxtı yetişib. Münbit şərait yaranıbb. Ukraynanın müharibədə dönüş yaratması, Azərbaycanın anti-terror əməliyyatının aparılmasını tezləşdirəcək. Zaman bizə işləyir. Yaşasın Azərbaycan, Yaşasın TURAN!!!

Son yazılar