Avropa İttifaqı (Aİ) Rusiya qazının qiymətinə yuxarı həddi tətbiq etmək imkanını müzakirə edəcək.
Bu barədə "Bloomberg" agentliyi Aİ-nin daxili sənədinə istinadən xəbər yayıb.
Rusiya qazının idxalı ilə bağlı qeyddə Aİ iki mümkün aləti qeyd olunub: idxal olunan qazın yuxarı qiyməti və təchizatın pozulmasından ən çox təsirlənən regionlar üçün fövqəladə hallar zamanı inzibati qiymətlər. Bu təkliflər sentyabrın 7-də keçiriləcək texniki iclasda üzv dövlətlərin ekspertləri ilə müzakirə olunacaq.
Avropa Komissiyasının sədri Ursula fon der Leyen keçən həftə Rusiya qazının qiymətlərinin məhdudlaşdırılmasına əmin olduğunu söyləyib. Bununla belə, diplomatlar deyirlər ki, üzv dövlətlər Rusiyanın qaz ixracını tamamilə dayandıracağından ehtiyat edərək belə bir addımın atılması ilə bağlı fərqli fikirlərə malikdirlər.
Sənəddə komissiya vurğulayır ki, Rusiya artıq Aİ-yə tədarükünü kəskin şəkildə azaltsa da, bu variant yalnız Aİ-nin tam qərar verməyə hazır olduğu halda nəzərdən keçirilməlidir. Komissiyanın sənədində deyilir: “Qiymət tavanı elə qurulmalıdır ki, Rusiya qaz tədarükü kəsiləndə qiymət həddi yerinə yetirildiyindən daha pis təsir hiss etsin”.
"AzPolitika.info"
Şərhlər