Ermənistanın Baş naziri Nikol Paşinyan Şanxay Əməkdaşlıq Təşkilatının (ŞƏT) növbəti sammitində iştirak edəcək.
APA xəbər verir ki, bu barədə “armenpress” Özbəkistan Prezidentinin mətbuat katibinə istinadən məlumat yayıb.
Bildirilib ki, 15-16 sentyabr tarixlərində Özbəkistanın Səmərqənd şəhərində keçiriləcək ŞƏT-in növbəti sammitinə Nikol Paşinyan da qatılacaq.
Qeyd olunub ki, ŞƏT-in sammitində 15 ölkənin rəhbərləri, o cümlədən Rusiya Prezidenti Vladimir Putin, Çin, Hindistan, İran, Pakistan və digər dövlətlərin liderləri də iştirak edəcək.
Xatırladaq ki, Türkiyə Prezidenti Rəcəb Tayyib Ərdoğan da qonaq qismində tədbirə qatılacaq.
Şərhlər