İran İsraillə hərbi qarşıdurma zamanı Tel-Əviv və Hayfa sahil şəhərlərini vurmaq üçün nəzərdə tutulmuş müasir pilotsuz uçuş aparatına malik olduğunu bəyan edib.
"AzPolitika.info" xəbər verir ki, bunu IRIB TV1 telekanalına müsahibəsində quru qoşunlarının komandanı general Kyumars Haydari deyib.
O qeyd edib ki, əvvəllər təqdim edilmiş “Arash-1”in daha yeni versiyası olan “Arash-2” pilotsuz uçan aparatı unikal xüsusiyyətlərə və imkanlara malikdir və onun təyin olunmuş hədəfi vurub məhv etməzdən əvvəl məlumatı uğurla qəbul edə bilir.
“Dron xüsusi olaraq Hayfa və Təl-Əvivi hədəf almaq üçün hazırlanıb”, deyən general pilotsuz təyyarəni “müqayisə edilməyən quş” adlandırıb.
Heydəri əlavə edib ki, o, artıq İran ordusu ilə xidmətə başlayıb və onun imkanları gələcək hərbi təlimlərdə nümayiş etdiriləcək.
Xatırladaq ki “Arash-1” pilotsuz uçuş aparatı ilk dəfə 2019-cu ilin yanvarında İran ordusunun təlimi zamanı ölkənin cənub-şərqindəki Makran sahillərində quraşdırılmış radarlardan yayınan kamikadze PUA-dır. O İranın mərkəzi Semnan əyalətində təyin olunmuş hədəfi vurana qədər 1400 kilometrdən çox uçub. "Araş-1"in uzunluğu təxminən 4,5 metr, qanadlarının açıqlığının isə 3,5 ilə 4 metr arasında olduğu təxmin edilir.
"AzPolitika.info"
Şərhlər