ƏVƏZ ZEYNALLININ İŞİNDƏ DAHA BİR HƏBS - “Səda TV” internet kanalının rəhbəri saxlanılıb
“Səda TV” internet kanalının rəhbəri həbs edilib.
"Report" bu barədə Baş Prokurorluğun Mətbuat xidmətinə istinadən xəbər verir.
Baş Prokurorluğun İstintaq idarəsində Əvəz Zeynalov və Elçin Sadıqovun təqsirləndirilmələrinə dair cinayət işi üzrə aparılan istintaq gedişində “Səda TV” MMC-nin direktor müavini olmaqla eyniadlı internet kanalının faktiki rəhbəri Elnur Şükürovun qanunsuz əməlləri ifşa edilib.
İstintaqla Elnur Şükürovun Suraxanı rayon Mənzil Kommunal Təsərrüfat Birliyinin balansında olan 0.57 ha torpaq sahəsinin və 168 m2 tikilinin özəlləşdirilməsi ilə bağlı zəruri sənədin əldə edilməsi müqabilində daşınmaz əmlakın alqı-satqısında vasitəçi xidməti göstərən Salman Nəsrullayevdən 50 min manat pul alaraq “Səda TV” internet kanalının imkanlarından istifadə etməklə tələb olunan arayışın verilməsinə dair müvafiq qərarın qəbuluna qanunsuz təsir göstərməsinə əsaslı şübhələr müəyyən edilib.
Göstərilənlərə əsasən, sentyabrın 14-də Elnur Şükürov Cinayət Məcəlləsinin 312-1.1-ci (vəzifəli şəxsin qərarına qanunsuz təsir göstərmə - nüfuz alveri) maddəsi ilə təqsirləndirilən şəxs qismində cəlb edilmiş və barəsində Binəqədi Rayon Məhkəməsinin qərarı ilə həbs qətimkan tədbiri seçilib.
Hazırda cinayət işi üzrə istintaq davam etdirilir.
Şərhlər
Hormetli insan, sizin adiniz - ədalət, iqtidardaki butun memurlari qezeblendirir , chunki, ədalət sozunun menasi, anlayishi , mane olur bu memurlarin qeyri qanuni fealiyyetlerine.
Əmlak özəlləşdirilməsində rüşvətə səbəbi dövlət yaradır.Qanunlar mükəmməl olmadığına görə adamlar hər-hansı bir özəlləşdirmə sənədini rüşvətsiz ala bilmirlər.Abşeron rayonunda ərazi-özəlləşdirmənin bir müdiri var idi,adı Füzuli.O,hər sənəddən ətək-ətrək rüşvət alırdı.Bir tanışım rüşvət verə bilmədiyinə görə qanuni sənədini ala bilmədi.Özü etiraf edirdi ki,hara şikayət edirsinizsə-edin,bizə heç nə etmiyəcəklər.