ATƏT-in media azadlığı üzrə xüsusi nümayəndəsi Dunya Miyatoviç noyabrın 10-da bəyanat yayaraq Azərbaycanda müstəqil mediaya və ifadə azadlığına repressiyanı addımları dayandırmağı tələb edib.
“Azadlıq” radiosunun məlumatına görə, Miyatoviç deyib ki, Azərbaycanda bütün müstəqil media təmsilçiləri və media QHT-ləri məqsədyönlü, çox vaxt da əsassız ittihamlarla təqib olunur”.
Miyatoviç ATƏT-in 11-ci Cənubi Qafqaz media konfransında iştirak etmək üçün Tbilisidədir. Azərbaycanlı bloqçu Mehman Hüseynov noyabrın 10-da həmin konfransa gedəndə Bakı hava limanından buraxılmayıb (Mehman Hüseynovu ittiham edirlər), polisdə və prokurorluqda dindirilib (Hüseynovu buraxıblar).
ATƏT-in media azadlığı üzrə xüsusi nümayəndəsi qeyd edib ki, Tbilisi konfransına dəvət olunan jurnalist Xədicə İsmayılovanın da Azərbaycandan çıxmasına məhdudiyyət qoyulub (Xədicə İsmayılova açıqlaması): “Mən Azərbaycan hakimiyyətini azad mediaya qarşı bu düşmənçilik yanaşmasını dayandırmağa çağırıram”.
Şərhlər