YARALI HƏRBÇİLƏRİMİZİN SAYI AÇIQLANDI... - 21 nəfərin vəziyyəti ağır olaraq qiymətləndirilir
12-14 sentyabr 2022-ci il tarixində Ermənistan silahlı qüvvələrinin genişmiqyaslı təxribatının qarşısını alarkən Azərbaycan Silahlı Qüvvələrinin 282 hərbi qulluqçusu yaralanıb və müxtəlif dərəcəli bədən xəsarətləri alıb.
Bu barədə Müdafiə Nazirliyi məlumat yayıb.
Qeyd olunub ki, yaralanan 282 hərbi qulluqçulardan 43 nəfər ilkin tibbi yardımdan sonra ordu sıralarına qayıdıb, 115 nəfərin vəziyyəti kafi, 103 nəfər orta-ağır, 21 nəfərin vəziyyəti isə ağır olaraq qiymətləndirilir.
Eyni zamanda Ermənistan silahlı qüvvələrinin təxribatı nəticəsində Azərbaycan tərəfindən 2 mülki şəxs də yaralanıb. Yaralanan mülki şəxsdən 1 nəfər ilkin tibbi yardımdan sonra evə buraxılıb, 1 nəfərin vəziyyəti isə orta-ağır qiymətləndirilir.
Qeyd olunmalıdır ki, yaralanmış hərbi qulluqçulara ən peşəkar hərbi-həkim heyəti və digər tibb personalları tərəfindən xidmət göstərilir.
Şərhlər
Bir gecəyə bölmələr arası (7 saata) 77 həlak, 282 yaralı və yüzlərlə basdırılmış minalar? Məhv edilmiş düşmən ordusunun Müzəffər tərəfə təxribat adlandırılan diversion (elansız) müharibəsinin nəticəsi? Bu çevikliyə və itgilərə nə Göyçə, nə Zəngəzur və s. əlavəsi gərək deyil? Müharibə cəhdi mühakiməyə verilməli, sərhədlər qeyri-müəyyən müddətə betonlanmalıdır? Hazırda ən optimal çıxış yolu budur!