İran İslam Respublikasının son vaxtlar Azərbaycana münasibətdə yürütdüyü düşmənçilik siyasəti getdikcə aqressiv şəkil almaqdadır. Bu barədə “Azad İran” “Youtube” kanalı süjet hazırlayıb.
Belə ki, Azərbaycanla həmsərhəd bölgədə hərbi təlimlərin keçirilməsindən və Qafanda İranın baş konsulluğunun açılmasından sonra İran tərəfindən Azərbaycana qarşı açıq-aşkar təxribat xarakterli daha bir addım atılıb. Oktyabrın 21-də İran Dövlət Teleradio Təşkilatına bağlı “Səhər” televiziya kanalı Azərbaycan Respublikasının ayrılmaz parçası olan Naxçıvan Muxtar Respublikasında guya “İranın Naxçıvanı” adlı xalq hərəkatının yarandığı barədə məlumat yayıb.
Məlumatda iddia olunduğuna görə, könüllü əsaslarla fəaliyyət göstərən bu qondarma hərəkatın məqsədi Naxçıvanı İrana birləşdirmək, daha dəqiqi, onun İrana qaytarılmasına nail olmaqdır. Xəbərə mötəbərlik donu geyindirməkdən ötrü bir Azərbaycan jurnalistinin adından istifadə olunsa da, araşdırma göstərir ki, bu, çoxdan planlaşdırılmış bir təxribatdır və son dövrlər İranın Azərbaycan əleyhinə atdığı siyasi, hərbi və diplomatik addımların bilavasitə davamıdır. Yəni söhbət əslində İranın Azərbaycana qarşı apardığı hibrid müharibənin bir elementindən gedir.
Daha ətraflı süjetdə:
Şərhlər
Naxcivan Türk torpağdı ,Türk olaraq qalacaq .İnşallah yaxin zamanda Cənubi Azərbaycan İrandan ayrilib qardaslarinin yanına qayidacaq .
Bunlar hamısı cefengiyyatdır,meger İran molla rejimini işi gücü qurtarıb,onlara milliardlarla gelir getiren narkoticareti qoyub kasıb Naxçıvanı neyliyirler.Özü de bu ticarete ölkenin en böyük siyasi herbi xadimlerinin övladları nezaret edir,nece ki şah Pehlevinin vaxtında bu sahe onun doğma bacısının kurasiyasında idi.