İran rejimi güneyli gənc barədə edam hökmü verdi
İran məhkəməsi Əslən Güney Azərbaycanın Bostanabad bölgəsinin Atbatan kəndindən olan Milad Əşrəfi Atbatan barədə edam cəzası verib.
Musavat.com xəbər verir ki, İran məhkəmə sistemi ötən ilin iyun ayında İran İnqilabının Keşikçiləri Korpusunun (SEPAH) Qüds qüvvələrinin 840-cı birləşməsinin zabiti Mənsur Rəsulinin oğurlanması və ondan məcburi kəşfiyyat məlumatlarının alınmasında ittiham olunan dörd nəfər barədə edam hökmü çıxarıb.
Milad Əşrəfi Atbatan, Həsən Orduxanzadə, Şahin İmani Mahmudabad və Mənuçöhr Şəhbəndi adlı şəxslər İsrailin xüsusi xidmət orqanı Mossad-la əməkdaşlıqda günahlandırılıblar.
İranın rəsmi dövlət mediasının edama məhkum edilən şəxslərin videosunu yayaraq onların cinayətlərini etiraf etdiyini bildirməsinə baxmayaraq, müstəqil və müxalif media və qurumlar adı çəkilən müttəhimlərdən məcburi etiraf alındığını bildirirlər.
Şərhlər
Bircə nəfər xomeneyi edam olunmalıdır vəssalam, heyf uşaqlardan.
Beşer rarixinde az az dövletler olub ki öz vetendaşına milli kimliyine göre qenim kesilib.İran İslam respublikası bu sırada birinci yerdedir.Bu mollaların kökğnğ kesmek laxımdur ki bir de bele anormal ermeni fars molla rejimi qura bilmesin ve bunları vermek lazımdur heyatkarı günahsız yere mehv olan genclerin ailelerine ki ,onlar da öz intiqamlarını aka biksinler ki bu Şeriet qayda qanunlarına da uyğun okar.