Azərbaycanla Rusiya terrorçuluğun maliyyələşdirilməsinə qarşı mübarizədə informasiya sahəsində əməkdaşlıq edəcək
Azərbaycanla Rusiya arasında terrorçuluğun maliyyələşdirilməsinə qarşı mübarizə sahəsində informasiya əməkdaşlığı haqqında saziş təsdiq edilib.
"Report" xəbər verir ki, Prezident İlham Əliyev “Azərbaycan Respublikası Hökuməti ilə Rusiya Federasiyası Hökuməti arasında fiziki şəxslər tərəfindən nağd pul vəsaitinin və (və ya) pul alətlərinin transsərhəd hərəkəti zamanı cinayət yolu ilə əldə edilmiş gəlirlərin leqallaşdırılmasına (yuyulmasına) və terrorçuluğun maliyyələşdirilməsinə qarşı mübarizə sahəsində informasiya əməkdaşlığı haqqında Saziş”in təsdiq edilməsi barədə Fərman imzalayıb.
Saziş 2022-ci il noyabrın 17-də Bakı şəhərində imzalanıb.
Saziş qüvvəyə mindikdən sonra Azərbaycan Respublikasının Dövlət Gömrük Komitəsi onun müddəalarının həyata keçirilməsini təmin etməli, Azərbaycan Respublikasının Xarici İşlər Nazirliyi Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Rusiya Federasiyası Hökumətinə bildiriş göndərməlidir.
Şərhlər
Rusya özü terrorçuluğu maliyələşdirir ,bizdə onunla saziş imzalayırıq ,əcəb məntiqdir
Terrorun əsas yaradıcısı və maliyyələşdirəni Puisiyadır.Qarabağda bitib tükənməyən mina terrorunu,məgər Rusiya təşkil etmirmi?