Rəsmi şəxslərin sözlərinə görə, Türkiyədə ölkənin cənubunda «Rosatom» tərəfindən tikilən «Akkuyu» birinci atom elektrik stansiyası zəlzələdən zərər çəkməyib.
Bu barədə «Daily Sabah» nəşri xəbər verib.
«Akkuyu Nuklear» layihə şirkətinin rəhbəri Anastasiya Zoteyeva bəyan edib: «Bizim mütəxəssislər binalarda, avadanlıqlarda və ya sahə kranlarında zədələr qeydə almayıblar. Tikinti-quraşdırma işləri davam edir».
Zoteyevanın sözlərinə görə, dövlət mülki müdafiə və qəza əleyhinə müdafiə dəstələri stansiyanın qəza bölmələri ilə qarşılıqlı fəaliyyət göstərirlər və texnika və personalın bölgəyə göndərilməsinə hazırlaşırlar.
«Akkuyu» Türkiyənin Aralıq dənizi sahilində ölkənin ilk atom elektrik stansiyası olacaq. Gözlənilir ki, 4800 meqavat gücündə və dörd reaktorla elektrostansiya bu ilin sonunda elektrik istehsal edəcək.
AzPolitika.info
Şərhlər