Rusiya Xarici işlər naziri Sergey Lavrovun yaxın günlərdə Azərbaycana səfəri planlaşdırır.
“AzPolitika.info” xəbər verir ki, bu barədə Rusiya XİN-in rəsmi nümayəndəsi Mariya Zaxarova məlumat verib. Səfərin proqramı və tarxinin dəqiqləşdirildiyi bildirilir.
Politoloq Elxan Şahinoğlu hesab edir ki, Lavrovun səfəri iki ölkə arasında “müttəfiqlik sazişinin” imzalanmasının bir illiyi ilə bağlıdır.
“Həmin saziş ötən ilin fevralın 21-də Moskvada Azərbaycan və Rusiya prezidentlər arasında imzalanmışdı. Rusiya Xarici İşlər Nazirliyinin mətbuat katibi Mariya Zaxarova keçirdiyi brifinqdə həmin sazişi tarixi sənəd kimi qiymətləndirib. Mariya Zaxarovanın sözlərinə görə, bu sənəddə ölkələr arasındakı münasibətlərin yeni keyfiyyəti qeyd olunub”, - qeyd edib.
Ekspert vurğulayır ki, bu səfər bir ildə Moskvanın Azərbaycana qarşı müxtəlif açıq və gizli təxribatlarını nəzərə alaraq həmin sənədin Zaxarovanın təbirincə desək, keyfiyyəti şübhə doğurur: “Qarabağ separatçılarının “liderlərini” tez-tez Moskvaya çağıran, onlara təlimat verən, Laçın yolundan separatçıların silah, sursat, mina daşınmasına şərait yaradan mərkəz Azərbaycana “strateji müttəfiq” ola bilməz. Ona görə də Sergey Lavrovun Bakıda deyəcəyi sözləri deyil, onun və ona əmr verənlərin əməllərini qiymətləndirmək lazımdır”.
Rasim Əliyev
“AzPolitika.info”
Şərhlər
Lavrovun Bakıya gələn ayağına daş dəysin!Nəyə gələcək? Qarabağ ermənilərinə status verilməsini istəməyə.Azərbaycanı" rusiya birləşik dövlətinə" soxmağa və çökməkdə olan rus iqtisadiyyatına maliyyə dəstəyi almağa.