“Rusiya ordusunun dəqiq idarə olunan raketləri tükənib”.
“Report” “RBK Ukraina”ya istinadən xəbər verir ki, bunu Ukrayna Milli Təhlükəsizlik və Müdafiə Şurasının sədri Oliksiy Danilov deyib.
O bildirib ki, fevralın 24-də - müharibənin başlamasının ildönümündə Ukrayna ərazilərinin kütləvi raket atəşinə tutulmamasının səbəbi də bu olub: “Onlar raketlərindən ehtiyatla istifadə edirlər”.
O.Danilovun sözlərinə görə, buna baxmayaraq Rusiya hələ də müharibəni davam etdirmək ambisiyasından əl çəkməyib: “Onlar hər gün bizim şəhərlərimizdə - Xarkov, Xerson və digərlərində terror aktları törədirlər”.
Qeyd edək ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.
Şərhlər