Şimali Koreyanın sınaq məqsədli qitələrarası raketinin ABŞ tərəfindən vurulması cəhdi Pxenyan tərəfindən müharibə elanı kimi qəbul ediləcək.
APA TASS-a istinadən xəbər verir ki, bu sözləri KXDR rəhbərinin bacısı Kim Yo Çjon deyib.
“Strateji silahlarımıza qarşı belə bir hərbi əməliyyat aparılarsa, bu, KXDR-ə qarşı açıq-aşkar müharibə elanı kimi qəbul ediləcək”, - deyə Şimali Koreya sözçüsü bəyanatında bildirib.
Onun sözlərinə görə, belə vəziyyətlərdə Pxenyan hərbçilərini hərəkətə gətirəcək.
Bundan əvvəl Cənubi Koreya KİV-i məlumat vermişdi ki, fevral ayında ABŞ-ın Hind-Sakit Okean Komandanlığının rəhbəri Vaşinqtonun Şimali Koreyanın qitələrarası ballistik raketinin Sakit okeana buraxılacağı təqdirdə onu vuracağını bildirib.
Şərhlər