“Ermənistanın bu gün heç bir fövqəldövlətlə yaxşı diplomatik əlaqələri yoxdur”.
“AzPolitika.info” xəbər verir ki, bunu “Vahid Ermənistan” Partiyasının təsisçisi-sədri Yervand Tarverdyan yerli mətbuata müsahibəsində bildirib.
O, vurğulayıb ki, Ermənistan hakimiyyəti öz hərəkətləri ilə həm ABŞ, həm Avropa Birliyi, həm də Rusiya ilə münasibətləri korlayıb: “Biz əvvəl deyirik ki, “sülh müqaviləsinin Rusiya modelinə üstünlük veririk”, sonra “Avropa” deyirik. Bu ölkələrin rəhbərləri hər şeyi başa düşür və dövlətimizin qeyri-peşəkar idarəçilərinə istehza ilə yanaşırlar”.
Yervand Tarverdyanın fikrincə, bugünkü gərgin geosiyasi vəziyyətdə Ermənistan KTMT təlimlərindən imtina edirsə, o zaman NATO çərçivəsində də təlimlərdən imtina etməlidir.
“Bu, çoxqütblü xarici siyasətdir. Keçmişdə, nisbətən sülh şəraitində, balanslaşdırılmış xarici siyasət yürütməyə çalışdığımız dövrdə Ermənistan müxtəlif təlimlərdə, o cümlədən NATO təlimlərində iştirak edirdi.Lakin indiki mərhələdə, xüsusən də biz KTMT-nin təlimlərində iştirakdan imtina ediriksə, deməli, mütənasib yanaşma NATO-ya münasibətdə də olmalıdır”, - o qeyd edib.
Xatırladaq ki, Rusiya Xarici İşlər Nazirliyinin rəsmi nümayəndəsi Mariya Zaxarova Moskvanın Ermənistanın NATO ölkələri ilə birgə təlimlərdə iştirakı ilə bağlı İrəvandan dəqiqləşdirmələr istədiyini bildirmişdi.
Rasim
“AzPolitika.info”
Şərhlər