Nazirlikdən valideynlərə "şirinlik" tövsiyəsi

Məktəbəqəbul prosesində məktəblərin pul tələb etməsi qanunsuzdur.

APA xəbər verir ki, bunu Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdir müavini Orxan Abbasov birinci siniflərə qəbul zamanı "şirinlik" verilməsi ilə bağlı suala cavabında deyib.

O bildirib ki, belə hallar olarsa, vətəndaşlar bununla bağlı həm hüquq mühafizə orqanlarına, həm nazirliyə, həm də regional təhsil idarələrinə müraciət edə bilərlər: "Bu prosesdə məktəb direktorunun edə biləcəyi bir şey yoxdur".