Ötən gün Hindistanın şərqindəki Odişa əyalətində baş verən qatar qəzasında 280 nəfər ölüb, 900-dən çox insan isə yaralanıb.
“AzPolitika.info” xəbər verir ki, qəzada iki sərnişin və bir yük qatarı olmaqla üç qatar toqquşub.
Məlumata görə, axşam saatlarında baş verən qəzada təxminən 130 km/saat sürətlə hərəkət edən “Coromandel Express” qatarı relsdən çıxaraq ona bitişik relsdəki digər sərnişin qatarına çırpılıb.
Odişa əyalətinin rəsmiləri hadisə yerinə 200-dən çox təcili yardım maşını göndərildiyini, həmçinin xilasetmə işlərinin davam etdiyini bildiriblər.
“AzPolitika.info”
Şərhlər